musikalegi

Karmen-en eguna iritsi da, eta horrekin batera Alegiako jaiak.

Musika emanaldiei dagokionez Ruper Ordorikaren kontzertua genuke ekintza azpimarragarrienetako bat (asteartea 15).

Ezin ahaztu ezta ere, Tapia eta Leturia, Boulebarreko kontzertuak, berbenako taldeak, txarangak, herriko trikitilariak, dultzaineroak… bejondiela denei.

Eta girotzeko har ezazue Joseba Sarrionaindiaren hitzetan oinarritutako Ruper-en Hiriak abestia. Bi maisu helburu bati loturik.

Stooges eta garaikideen eskolako talde honen bideoa eskaini nahi dizuet. Awesome Color-ekoak ez dut uste ezer berririk sortzea doazenik, bere asmoa, badirudi, entzun dutena berregitea dela. Bolumen gutxiagorekin agian, baina zikintasun berarekin. Eta berregitea diot eta ez kopiatzea, zeren eta bere musika ezaguna egiten den neurrian, freskotasun bat ere nabari zaie.

Gozatu, oso onak dira eta.

1962-ko R&B zoragarri bat entzutera gonbidatu nahi zaituztet. Estudioan bapatean sorturiko abesti bat. Oso gogokoa dut bere erritmo sarkorra, bere gitarra riff-ak eta organu melodia.
Ez zen nolanahiko taldea BOOKER T & THE MG’S, ez horixe.

Eutsi! Gustoko Slogan-a dut.

Eusteak ematen dio bati garaipena. Bizitzak, bata bestearen atzetik jartzen dizkigun froga ezberdinak gainditzeko ezinbestekoa du gizakiak eustea. Eta froga faltarik ez da izaten.

Eutsi beharra dago norbanako zein herri bezala irauteko. Euskal herritarrok badugu eusteko grina hori, nola iraun bestela hainbeste mendeetan eutsi gabe ez bada?

Eutsi eta slogan hitzak uztartzeko, Eutsi! filmako abesti nagusiaren bideoa jarri nahi dut. Gose, Arrasatear taldearen abestia da. Talde interesgarria dugu, eskusoinuari bere lekua aurkitzen laguntzen duten talde horietako bat.

PD:Ea Alemaniarrek ere eutsi eta espainiar selekzioa garaitzen duten. Ez dakit espaniar eta espainiarzale diren Euskal herritar kazetarien lerdea jasan ahal izango dudan. Horri ere eutsi egin behar.

PD: Kezkatua nago espainiar selekzioen kontuarekin, aspaldian armariotik irteten ari diren Euskal herritarrekin. Mesedez Eutsi, eta itzuli berriro armariora.

Musikalegiko arduradun bezala, blog-ari beste dimentsio bat ematea pentsatu dut. Lados-eko dokumentalek eta radio3-eko saioek duten snob kutsua eman nahi diot.

Honetarako, bidea jorratzen lagunduko didan kultuko talde eta abesti bat erabiltzen hasiko naiz. Hartu lasai eta entzun, entzun eta hausnartu. Sakona da.

Badator Musikalegi berria. Hau beste esfera bat da.

Ea zer deritzozuen.

Clinic taldearen bi abesti eskaini nahi dizkiot nahi duen edonori. Eskaintza jasotzen duenak, jakin dezala liverpool-goa dela, beraien musika konponketa elektronikoaz jazten duen indie-rock talde hau eta Radiohead-ekin jotzekoa dela udako kontzertu erraldoi horietako batean. Eta kontzertuak maskarilekin ematem dituztela. Besterik gabe, zeontzat.

Aste buru honetan The Sonics eta The Fuzztones taldeen kontzertuak izan ditugu Euskal herrian.

Zer esan The Sonics-etaz. 19-ren bat urte nintuela ezagutu nuen, zinta (noski pirateatuak) eta binilo formatoetan (oraindik Garage-agoa). Garajeek kotxea sartzeko leku bat izateaz aparte, rock indartsua egiteko balio zutela irakatsi zuten. 60. hamarkadan bazen Punk-a. Eta basatia eta indartsua zen.
Entzun bideoko Psycho klasikoak aurkezten dizkigun gitarrak eta abesteko era. Klasiko baten aurrean gaude. Latzak orduan eta orain.

The Fuzztones ere ez da makala. 80.hamarkadan Garage rock-ak izan zuen revival-eko partaide garrantzitsuenetakoa dugu. Hau ere kultuko taldea da. Jarraitzaile kopuru handia ez baina horiek fidelak. Beraiek bezala. Beraien klasikoetako bat 1-2-5 abestia da.

Ea tabernetan honelako rock bikaina noiz entzuten dugun, hau betiko musika baita, garagardo hotz batekin entzun beharrekoa.

Big umbrella bat da behar deguna udaberri hau pasatzeko. Egunero degu euria. Menia ttiki bat eta hor degu berriro hain beharrezkoa den likidoa.

Lasai, Kings Have Long Arms taldearen abesti bikain honekin argia ikusiko dezue berriro zeruan.

Gozatu, ederra da eta.

Reservoir Dogs filmeko abesti bat ekarri nahi dizuet oraingoan. Stealers Wheel taldearen Stuck In The Middle With You abesti zoragarria. Tarantinok poltsikotik ateratzen dituen harri bitxi horietako bat. Posible ote da pelikula ikusi duenak, abesti hau lapurretako batek poliziari belarria moztutzen dion imaginarekin ez erlazionatzea? Eszena latza, pelikula guztia bezala. Eszenako irudiak ere hemen dihoazkizue.

HEAVY TRASH-en kontzertua izan dugu aste honetan kafe antzokian. Jon spencer-en talde berria. Ez dakit nola joan ote zen baina ikusi ezazue Jon spencer ze nolako kontzertuak emateko gai den, kasu honeta bere blues explosion taldearekin, azkenean apur bat sobreaktuatu egiten badu ere.