musikalegi

Ikusi al dituzue Lou-ren (barkatu konfiantzak baina, batek horrenbestetan bere diskoak entzun dituenean, zenbait lizentzi hartzeko eskubidea duela deritzot) imajinak Donostiako zinemaldian? Ai ene! Apur bat “xahartu” zaigulakoan nago. Noski, 65 urte ez dira alferrik pasatzen. Baina ze 65 urte. Sekulako pop eta rock abestiak konposatuz eta ondorengo musikagileetan bai jarrera, bai musika eta baita ere gaietan eragin zuzena edukiaz.

Eta noski, izan zuen bere Wild Side-a. Bestela ikusi bere bi klasiko 1974-ean Parisen emaniko kontzertu batean.

Oharra: Sweet Jane abestia, lehengo bideoko abestia, ez da Drindots taldearen Maritxu abestiaren plagioa.

Manu Chao-ren azken diskoko abesti hau, inork gutxik espero genuenean, kaleberako festak antolatu dituzten hoiei eskaini nahi diet. Kalea dagoen bezala egon arren, lan egin duten guztiei.
Eskertzekoa da eguraldia ere zein ederra aukeratu duten. Hoi dek nibela.
Mila esker herria Herri egiteagatik.

Oraingoan, kuttunenetan kuttunenena dudan taldearen bideo bat jartzeko asmoarekin hasi naiz posta hau idazten. Pixies. 1988-89 urtea izango zen “where is my mind” abestiak liluratu ninduenean. Zer zen hori? Ze abesti pusketa. A ze nolako atmosfera deskribatzen zuen. Ze gitarrak. Ze goxotasuna. Ze indarra. Eta noski, diskoak ere ez zidan hutsik egin. Ez eta ondorengoek. Ez zuten itxurarik landu behar beraien kalitatea indartzeko. Eta askotan ohikoa den bezala, arrakasta merezi baino beranduago iritsi zitzaien. Banandu ondoren. Nirvana, Weezer eta enperauek hurrengo urteetan aldarrikatu zituzten. En fin! niretzat inflexio puntu nabarmen bat markatu zuen abesti eta taldea izan zen. Ikusi eta gozatu.

Musikalegiri indar piskoat sartzeko asmokin, artikoko tximinoak (Arctic Monkeys ) bezala ezagutzen den taldeari ateak irekiko dizkiogu. Talde honek sekulako sona lortu zuen lehenengo diskoarekin eta jendea bigarrenaren zain gelditu zen zeruetara igo edo gurutzerako. Abesti honekin behintzat zerura zuzenean igoko dira. Edo akaso nahiago infernura jaitsi ?

Herman Dune, Suediako talde bat da. Bi anai dira bere ardatz eta bideoetan ikus daitekeenez nahiko bereziak dira. Zuzenekoa ere horrela omen dira, beti bereziak. Iaz gurean izan ziren kontzertu bat ematen. Asko gozatzen dut talde hau entzutean, malenkonia eta baikortasun puntu bikaina eskaintzen bai dit. Bere arrakasta, idazten dituzten pop abesti borobiletan dagoela esango nuke. Talde asko burura ekarri arren, beraiek dira musika goxo eta eder honen jabeak, eta zalantzarik baduzue, entzun bere azken lana den Giant diskoa.

Azaroak 7 dituenean, rufus wainwright izango dugu Donostiako kursal aretoan. Sentimenduaz abesteko erabiltzen duen ahotsa ona du eta taula gainean espektakulu bikainak moldatzen omen daki. Leonard Cohen-i egin dioten azken omenaldi diskoan parte hartu du (I´m your man).

Gogoratzen Beastie Boys taldekoetaz? Rap eta Hip-Hop mundua hankaz gora jarri zuten hiru lotsagabe? Entzun eta ikusi beraien azken laneko abesti bi. Hori deritzaio eboluzio musikala. Gure Ebaristo gai ote da horrela eboluzionatzeko?