musikalegi

Punk-aren garaiko (EH-an ez dakit sekula garaia amaitu ote den) “sloganak” entzuten nituenean, faltan botatzen nituen beste era batetako letrak.

Eta ez soberan zeudelako aldarrikapenak, alderantziz, behar-beharrezkoak izan ziren eta dira, baina maitasun gaietan ere bazen eta bada zer aldarrikatu.

Ni naiz zure nahia abestiak badu bere probokazio puntua. Nori ez gustatu ingurukoarengandik horrelako gauzak entzutea?

“Bankuak lapurtu egiten dutela” entzutea ondo dago baina “behin martxa hartuta nago blai” ere bai.

kontuz A estiloarekin.

Egungo gizartea indibidualista denik ezin ukatu. Geure premiak bete ahala, bost axola beste guztia. Tarteka, “ze pena ..” esan eta segi aurrera.
Bada jendea, ordea, honi kontra eginez, bildu eta nahi duten/dugun guztientzat gauzak egiteko prest daudenak, bere denbora eskainiaz.
Horietako batzuk dira gure herrian, Alegian, irailaren 15 inguruan Kalebeheko festak antolatzen ibiltzen direnak. Eta badirudi, aurten ere izango direla.
Eta ospatzeko, dantzarako musika bikaina igiten duen Señor Coconut Alemaniar-Txiletar honen musika.

P.D.Bukatzeko, galdera bat egin nahi nuke. Blogak, indibidualizazioaren adierazle ote dira?