Euskal Michael Jackson-ak
Michael Jackson-en heriotzak txoko guztiak bete dituen honetan, deigarria iruditu zitzaidan, lehengo larunbatean, euskadi irratiko mahai-inguru batean, Nafarroako PSN-ko alderdikide Euskaldun batek (bereiz ditzagun Euskaldun eta Euskal Herritarra), Michael Jackson-ek eginiko larru azal aldaketa kritikatu zuen, argudiatuz abeslariaren konplexu, fama nahia eta abar.
Horretaraino erabat ados.
Baina segidan berak ere hantzeko gauza egiten duela pentsatu nuen, Espainiar partidu politiko bateko militantea izaki. Hau da, nola egon daiteke euskaldun bat bere kultura une oro zanpatzen ari den partidu batean? Agian ezjakintasunagatik, agian gaizki eramaniko konplexuengatik, agian protagonismo hutsagatik, agian bereziak sentitzeagatik, agian diruagatik, agian koefiziente maila bajuagatik…
Nik behintzat beste arrazoirik ez dut ikusten.
enoa ni, inondik inora, PSN defendatzera, baina egin duzun konparazioa ez dauka ez hankarik ez bururik, nire iritziz. Posible da euskalduna eta ez abertzalea izatea; posible den bezala euskalduna izan eta espainola sentitu.
Pentsatzen nuen dogma horiek gaindituta zeudela, benetan.
Comment by juan luis — July 2, 2009 @ 12:42 pm
Posta ondo irakurtzen baldin baduzu, inongo momentuan ez dut esan euskaldun bat abertzalea izan behar duenik. Esan dudan bakarra da euskaldun batek, bere kulturaren aurka argi eta garbi egiten duten partiduei (sartu pse, pp, upn..) bozkatzea aluzinantea iruditzen zaidala, bere etxeari harriak botatzea delako.
Eta ze gauza, zuk aipatu duzun kasua, espainiar sentitzen den euskaldunarena, euskaldun abertzale baten kasua da, baina espainiar abertzale batena.
Ez naiz ni inolako dogmetan sartu. Hor konpon bakoitza bere fantasmekin.
Comment by administrador — July 3, 2009 @ 8:48 am